Koreıa kompanııalary saýda saıasatynan óńirde bolý saıasatyna kóshýi tıis - Tileýberdi
«Ortalyq Azııa – Ońtústik Koreıa» 12-forýmynyń búgingi kún tártibinde tehnıkalyq standarttaý, sý resýrstaryn basqarý, ІT salasynda birlesken jobalalardy júzege asyrý jáne jasyl ekonomıka salasyndaǵy yntymaqtastyq syndy keleshegi zor baǵyttar tur. Tehnıkalyq standarttaý salasyndaǵy yntymaqtastyq Ortalyq Azııa óńiri men Koreıa Respýblıkasy arasyndaǵy ózara is-qımyldyń mańyzdy aspektisi sanalady. Bizdiń óńirde Samsung, Hyundai, KIA syndy koreılik iri kompanııalar bar. Tórtinshi ónerkásip revolıýtsııasyna kóshý dáýirindegi bizge tehnıkalyq standarttaý salasyndaǵy ortaq reglamentterdi ustaný qajet. Osyǵan oraı koreılik kompanııalardyń saýda-saqttyq saıasatynan óńirde bolý saıasatyna kóshý qajettigin atap ótkim keledi»,- dedi M.Tleýberdi.
Mınıstrdiń atap ótýinshe, ortaq tehnıkalyq standarttar koreılik kompanııalarǵa Ortalyq Azııa óńirinde ónim shyǵaryp, satýǵa múmkindik beredi.
«Qazaqstan Úkimeti ońtústikkoreılik ınvestorlar úshin tartymdy jaǵdaı jasaý saıasatyn jalǵastyrýǵa nıetti. Qazaqstannyń Dúnıejúzilik saýda uıymyna, Eýrazııalyq ekonomıkalyq odaqqa múshe bolýy, túrkitildes jáne Taıaý shyǵys elderimen kooperatsııasy, sonymen qatar mol shıkizatynyń bolýy koreılik kompanııalarǵa óndiristiń tolyq tsıklin jolǵa qoıýǵa jaqsy múmkindik beredi», - dedi ol.
Sonymen qatar ol qurǵaqshylyq pen muzdyqtardyń erýi saldarynan aýyz sý resýrstarynyń túgesilýi Ortalyq Azııa elderi úshin úlken problema bolýy múmkin ekendigin eskertti.
«Osy turǵyda Ortalyq Azııa úshin Koreıa Respýblıkasynyń sý resýrstaryn únemdeıtin zamanaýı tehnologııalarǵa ıe bolýy zor qyzyǵýshylyq týdyrady», - dedi M.Tileýberdi.
