Koreıa klınıkasy kóz jumǵan qazaqstandyq balanyń denesin bermeı otyr
ASTANA. QazAqparat - Koreıalyq klınıka shyǵysqazaqstandyq 6 jasar Bogdan Ýnranyń em-domyna jumsalǵan qaryzdy tolyq qaıtarýdy talap etip otyr, dep habarlaıdy QazAqparat tilshisi.
«Qazirgi tańda balanyń ata-anasy somanyń jartysyn jınaǵan. Konsýl áli kúnge deıin klınıkanyń basshylyǵymen kelissóz júrgizip jatqanymen, ázirge eshqandaı nátıje bolmaı tur. Klınıka óz degeninen qaıtatyn emes. Bizdiń málimetke sáıkes, bala ol jerge kóktemde túsken, al tamyzda sol jerde jansaqtaý bólimine aýystyrylǵan. Jansaqtaý bólimindegi ár kún 5 myń dollar dep eseptelgen. Mine, sondyqtan aqyrǵy soma kóp shyǵyp ketken», - dedi QR SІM resmı ókili Aıbek Smadııarov búgingi brıfıng barysynda tilshilerdiń suraǵyna jaýap bere otyryp.
Aıta ketsek, Shyǵys Qazaqstan oblysy Belaǵash aýylynan alty jasar Bogdan Ýnra bir jyl boıy onkologııalyq aýrýdan emdelip, 23 qyrkúıekte kóz jumǵan bolatyn. Qaryz bolǵandyqtan Seýl klınıkasy ata-anasyna balanyń denesin bermeı otyr.
25 qyrkúıekte balanyń ákesi Seýldegi Qazaqstan elshiligine júginip, zańgerlik keńes alǵan jáne balasynyń syrqatyna jumsalǵan aýqymdy qaryzdy óteýge kómek suraǵan.
Kóz jumǵan balanyń ata-anasy áli kúnge deıin qarajat jınaý ústinde.
