Koreıa KHDR-ǵa 8 mln dollar kómek jiberýi múmkin
ASTANA. QazAqparat - Cho Men Kenniń basshylyǵyndaǵy birlestik mınıstrligi KHDR-ǵa halyqaralyq uıymdar arqyly 8 mıllıon dollar kómek kórsetý bastamasyn kóterdi. Bul týraly TASS habarlaıdy.
Mınıstrlik soltústikkoreılik balalar men júkti áıelderge BUU-ynyń dúnıejúzilik azyq-túlik baǵdarlamasynan 4,5 mln jáne BUU balalar qorynan (ıÝNISEF) 3,5 mln bólýdi usyndy.
«Úkimet Koreı túbegindegi jaǵdaıdy talqylaǵannan keıin bólinetin qarjynyń tetikterin jáne berilý merzimin anyqtaıtyn bolady», - delengen mınıstrlik ókilderiniń habarlamasynda.
BUU málimetterine súıensek, aǵymdaǵy jyldyń sáýir aıynda qurǵaqshylyqqa baılanysty KHDR-nyń astyq ósiretin óńirleri qatty zardap shekti. Shilde aıyndaǵy jaǵdaı boıynsha, Soltústik Koreıanyń keı aýdandarynda 59 paıyzǵa deıingi ónim joıylyp ketti. Ásirese, ósirilýine kóp sý ketetin kúrish egistigine aıtarlyqtaı shyǵyn kelgen.
