Koreıa Halyqtyq Demokratııalyq Respýblıkasy Ońtústik Koreıamen barlyq baılanystaryn úzý týraly sheshim qabyldady
ASTANA. Mamyrdyń 26-sy. QazAqparat - Koreıa Halyqtyq Demokratııalyq Respýblıkasy Prezıdent Lı Men Bak bastaǵan ońtústikkoreılik rejimmen barlyq baılanystaryn úzedi jáne agressııadan ózara bas tartý týraly Soltústik pen Ońtústiktiń arasyndaǵy kelisimnen shyǵady.
TsTAK agenttiginiń aqparaty boıynsha, bul týraly seısenbi kúni úkimettiń atynan málimdeme jasaǵan KHDR-nyń Otandy beıbit jolmen biriktirý jónindegi komıtetiniń ókili málim etti, dep habarlaıdy ITAR-TASS.
«Chhonan» korvetiniń apaty úshin jaýapkershilikti eshbir dálelsiz Phenıannyń moınyna júktep otyrǵan» Seýldiń arandatýshylyq áreketine jaýap retinde Koreıa Halyqtyq Demokratııalyq Respýblıkasy birqatar qatań shara qabyldap otyr. Budan bylaı ońtústikkoreılik kemeler men ushaqtarǵa KHDR-dyń aýmaqtyq sýlary men áýe keńistiginen ótýde tyıym salynady. Koreıaralyq qarym-qatynastarmen baılanysty barlyq máselelerdi «Phenıan áskerı kezeńniń zańdary boıynsha qaraıtyn bolady». Soltústik Koreıa sondaı-aq, Seýldegi «marıonettik rejimge» qarsy qarymta nasıhat naýqanyn júrgizbek. Birlesken ındýstrııalyq aýmaq ornalasqan Keson qalasyndaǵy Soltústik pen Ońtústiktiń arasyndaǵy ekonomıkalyq máseleler jónindegi konsýltatıvtik toptyń jumysy da toqtatylady.
Phenıannyń sheshimi boıynsha, Koreı túbeginiń ońtústik bóligimen baılanystyń barlyq túri úziledi.
