Koreı túbegindegi jaǵdaı qysqy Olımpıadany ótkizýge kedergi keltirmeıdi
ASTANA. QazAqparat - Halyqaralyq Olımpıada komıtetiniń (HOK) basshysy Tomas Bahtyń málimdeýinshe, Koreı túbegindegi jaǵdaıdyń shıelenisýi 2018 jyldyń aqpan aıynda Ońtústik Koreıadaǵy Phenchhan qalasynda qysqy Olımpıada oıyndaryn ótkizýge eshqandaı kedergi keltirmeıdi. Bul týraly Bah Lımadaǵy HOK sessııasynan keıingi baspasóz máslıhatynda aıtty, dep habarlaıdy TASS.
BUU Qaýipsizdik keńesi dúısenbi kúni altynshy ret ıadrolyq synaq ótkizgen KHDR-ge qarsy sanktsııany kúsheıtý týraly rezolıýtsııany qabyldady.
«KHDR men basqa elder arasyndaǵy týyndaǵan shıelenis saldarynan halyqaralyq oıyndardy ótkizýge ázirge qandaı da bir qaýpi tónip turǵan joq», - dedi Bah.
Sondaı-aq, ol shıelenisti dıplomatııalyq jolmen sheshiletinine úmittenetinin jetkizdi.
«Oıyndar barlyq ulttyq Olımpıada komıtetteri, onyń ishinde KHDR sportshylary úshin árqashan ashyq. Biz jarystarǵa qatysyp júrgen KHDR atletterin baqylap otyrmyz, olarǵa, qajet bolǵan jaǵdaıda, qoldaý kórsetýge ázirmiz», - dedi HOK basshysy.
Aıta keteıik, qysqy Olımpıada oıyndary 2018 jyldyń 9-25 aqpan aralyǵynda Phenchhan qalasynda óttek.
