Koreı túbegin ıadrolyq qarýsyzdandyrý: Seýlde Qazaqstan-Koreı forýmy ótti
«Іs-shara 2018 jylǵy tamyzda jasalǵan QR Tuńǵysh Prezıdenti – Elbasynyń qory men Korea Foundation arasyndaǵy yntymaqtastyq týraly memorandýmdy júzege asyrýdaǵy taǵy bir qadam boldy. Forýmǵa Koreıa Respýblıkasynyń memlekettik qyzmetkerleri, Koreıa Respýblıkasynyń Syrtqy ister mınıstri, dıplomatııalyq korpýstyń ókilderi, Seýl ulttyq ýnıversıtetiniń professorlary men ǵalymdary, ıadrolyq qarýsyzdaný jáne ıadrolyq qaýipsizdik salasyndaǵy sarapshylar qatysty», - delingen habarlamada.
Qazaqstandyq delegatsııa quramyna QR Tuńǵysh Prezıdenti – Elbasy qorynyń basshylyǵy, QR Qaýipsizdik Keńesi, QR Syrtqy ister mınıstrligi, QR Strategııalyq zertteýler ınstıtýty, QR Ulttyq ıadrolyq ortalyǵy, QR Tuńǵysh Prezıdenti qory janyndaǵy Álemdik ekonomıka jáne saıasat ınstıtýtynyń basshylary kirdi.
«Qazaqstan men Ońtústik Koreıany saıası jáne ekonomıkalyq baılanystar ǵana emes, sonymen qatar ıadrolyq qaýipsizdik salasyndaǵy jalpy máseleler de baılanystyrady. Bizdiń elimiz ıadrolyq muranyń azabyn basynan ótkerdi. Búgin Tuńǵysh Prezıdent qory Qazaqstannyń ıadrolyq qarýsyzdaný tájirıbesine qyzyǵýshylyq tanytqan koreıalyq sarapshylarǵa ózderiniń qazaqstandyq áriptesterimen sóılese alatyndaı platformany jasady», - dedi forým barysynda QR Tuńǵysh Prezıdenti – Elbasy qory atqarýshy dırektorynyń orynbasary Igor Rogov.
Óz kezeginde Korea Foundation prezıdenti Lı Gong Elbasy Nursultan Nazarbaevtyń ıadrolyq qarýsyz álemdi qalyptastyrýdaǵy úlken rólin atap ótti.
«Eki qordyń jumysy ıadrolyq qarýsyzdaný máselesin jan-jaqty talqylaıtyn dál osyndaı joǵary sapaly alańdardy qurýdan turady. Tuńǵysh Prezıdent Nursultan Nazarbaev basshylyǵymen Qazaqstan ıadrolyq qaýipsizdikke ólsheýsiz úles qosty. Qazaqstandyq tájirıbe biz úshin óte mańyzdy. Meniń oıymsha, bul jumys formaty jalǵasady jáne forýmǵa basqa elder qosylady», – dedi ol.
Taraptar atap ótkendeı, mundaı forýmdar basqa memleketter men uıymdarǵa beıbitshilikti qamtamasyz etýge baǵyttalǵan progressıvti ıdeıalar týraly ózindik habarlama bolyp tabylady. ıAǵnı jahandyq qaýipsizdik maqsatynda úlken halyqaralyq dıalogqa qosylýǵa shaqyrý.
