Kórermenderdiń ótininishine oraı «Qazaqstan» telearnasynda «Kók tarlandary» hıkaıasynyń jalǵasy kórsetiledi (FOTO)

ASTANA. QazAqparat - «Qazaqstan» telearnasy kórermenderiniń kóptegen suraýlary boıynsha, Qazaqstanda «áskerı» taqyrypqa alǵash ret túsirilgen «Kók tarlandary» hıkaıasynyń jalǵasy kórsetiledi. Bul týraly ulttyq arnanyń baspasóz qyzmeti habarlady.

Týyndy áskerı qyzmetkerlerdiń kúndelikti kúrdeli ómirin, olardyń erlikterin, Otandy qorǵaý úshin óz ómirin qııýǵa daıyn turatyndyqtaryn sıpattaıdy.

Oqıǵa ortasynda áskerge deıin óziniń jeke ómirlerimen, óziniń shaǵyn áleminde ómir súrgen áskerge jańadan shaqyrylǵadar bolady. Aldarynda taǵdyrlaryndaǵy eleýli sátterdiń biri - Otanǵa qyzmet etý boryshy kútip tur. Ár túrli ult ókilderinen áskerge jańadan shaqyrylǵan jas ulandardy Otan aldynda jaýapkershilikti sezinýdi, burynǵydan da myqty, batyl bolýǵa úıretetin, jańa dostar tabylatyn áskerı qyzmet merzimi kútip tur.

Hıkaıa keıipkerleri kún saıyn túrli ómirlik jaǵdaılardyń sheshimin tabýǵa beıimdeledi. Ár túrli kúrdeli tapsyrmalardy oryndaý kezinde olardyń erligi jáne sáttilik jaýyngerlerdi synnan súrindirmeı ótkizedi. Ómir qalaı ózgerse de, olar adamgershilik qalpyn saqtap qalǵan qarapaıym jigitter bolyp qala bermek.

Qalaı bolǵan jaǵdaıda da, hıkaıadaǵy barlyq tulǵalar - ofıtserler, generaldar, qatardaǵy jaýyngerler, barlyǵy da «Otan jaýyngerleri».

Qıyndyǵy mol qurmetti kásipti tańdaǵan batyr adamdar jaıly telehıkaıany jiberip almańyzdar! 18 serııaly hıkaıanyń ekinshi maýsymy 29 sáýir kúni 21.50-te bastalady.