Kórermender Dımash Qudaıbergendi erekshe yqylaspen qarsy aldy
AQTAÝ. KAZINFORM — Túrki jurtyna ortaq dúbirli toı ótip jatqan Aqtaýda, kók teńizdiń jaǵasyndaǵy úlken sahnada qazaq eliniń jaryq juldyzy Dımash Qudaıbergen búgingi gala kontsertke arnaıy kelip, án shyrqady.
Dımashtyń ǵajap ánderin tyńdaýǵa kelgen kópshilik ánshini zor qoshemetpen qarsy aldy.
Eldiń ystyq yqylasyna rıza kóńilin bildirgen Dımash mańǵystaýlyqtardy jerlesterim dep atady.
— «Alystan alty jasar bala kelse, alpystaǵy aqsaqal turyp sálem beredi» degen ataýly sózdi jadyna toqyǵan halqym, aqtaýlyqtarym, jerlesterim, syı qurmetterińizge, mahabbattaryńyzǵa myń márte alǵys! Ózderińizge basymdy ıemin! — dedi Dımash Qudaıbergen.
Mádenı rýhanı sharanyń ashylý saltanatynyń basty qonaǵy bolǵan, ǵajaıyp daýsymen álemdi ózine qaratqan ánshi Dımashty qoshtap qolpashtaǵan halyq dý qol shapalaǵyn úzbeı, úzdiksiz «Dımash» dep aıǵaılap turdy.
Іri kólemdegi aıtýly sharaǵa kelgen ánshi osylaısha teńiz jaǵalaýyna jınalǵan halyqtyń kóńilin kókke kóterdi.
Eske salsaq, Aqtaý qalasynda «Aqtaý – Túrki áleminiń mádenı astanasy» gala-kontsertiniń ashylý saltanaty ótti.
Prezıdent Aqtaýǵa túrki áleminiń mádenı astanasy mártebesiniń berilýimen quttyqtady.
Sonymen qatar Aqtaýdaǵy kontsertke 50 myńǵa jýyq kórermen jınalǵany belgili boldy.