Korean Air basshysynyń qyzy ushaqtaǵy erejeni saqtamaǵany úshin 15 jylǵa bas bostandyǵynan aıyrylýy múmkin
ASTANA. QazAqparat - Ońtústik koreıalyq Korean Air áýe kompanııasy prezıdentiniń qyzy Cho Hen ushaqtaǵy erejeni saqtamaǵany úshin 15 jylǵa bas bostandyǵynan aıyrylýy múmkin. Ol stıýardessany jańǵaqty durys usynbaǵany úshin borttan qýýdy talap etken.
Bul týraly Associated Press habarlady.
Hen qaýipsizdik erejesin buzdy, reıs baǵytyn ózgertý áreketi jáne áýe kompanııasy qyzmetkerine qatysty jaǵymsyz qylyq jasady dep aıyptalýda.
Oqıǵa 5 jeltoqsanda oryn alǵan. Hen ekıpajdan oǵan tuzdalǵan jańǵaqty ydysta emes, býmada ákelgen stıýardessany qýýdy talap etken. Saldarynan Nıý-Iorktan shyqqan reıs 20 mınýtqa keshikti.
Keıinirek Hen óz qylyǵy úshin keshirim surady.
