«Korea open 2018» týrnırine 10 qazaqstandyq qatysady
ASTANA. QazAqparat - Koreıada taekvondodan G2 sanatyndaǵy «Korea open 2018» halyqaralyq týrnırinde el namysyn qorǵaıtyn sportshylarymyzdyń esimderi belgili boldy, dep habarlaıdy QazAqparat tilshisi.
QR UOK-niń taratqan málimetterine súıensek, atalǵan doda Chedjýdo - Chedjý aralynda shildeniń 18-24 aralyǵynda ótpek. Onda el namysyn on (5 qyz, 5 er) taekvondoshy qorǵamaq. Erler arasynda Eldos Ysqaq (58 keli), Qazbek Baqtııaruly (63 keli), Erasyl Qaıyrbek (68 keli), Nurlan Myrzabaev (80 keli) jáne Rýslan Japarov (+80 keli) synǵa tússe, qyzdar arasynda Aınur Esbergenova (49 keli), Farıza Aldonǵarova (53 keli), Marjan Tólepbergenova (57 keli), Aqsáýle Erqasymova (68 keli) jáne Denız Djansel (+ 67 keli) el namysyn qorǵaıtyn bolady.
Taekvondonyń otanynda bul týrnır joǵary dárejede ótkiziledi.
