Qordaıǵa Almatydan qydyryp kelgen eki adamnan koronavırýs tabyldy
TARAZ. QazAqparat - Búgin Jambyl oblysynda koronavırýs ınfektsııasynyń aýrý belgilerimen 7 adam tirkeldi, dep habarlaıdy QazAqparat COVID-19 taralýyna jol bermeý jónindegi vedomstvoaralyq komıssııaǵa silteme jasap.
Naqtyraq aıtsaq, Taraz qalasynyń 1976, 1995, 2001, 1951 jáne 1982 jyly týǵan bes turǵynynan ınfektsııa tabyldy. Barlyq jaǵdaılar epıdemıologııalyq kórsetkishter boıynsha anyqtaldy.
Taǵy eki jaǵdaı Almaty qalasynan kelgen Qordaı aýdanynyń 1971 jáne 2015 jyly týǵan turǵyndarynan tirkeldi. Barlyq naýqastar juqpaly aýrýlar aýrýhanasyna jetkizildi, olarmen baılanysta bolǵan tulǵalar anyqtalyp, karantınge alyndy. Oshaqtarda qorytyndy dezınfektsııalyq óndeý sharalary júrgizildi.
13 maýsymdaǵy málimet boıynsha Jambyl oblysynda koronavırýsty 483 adam juqtyrǵan.
