Qordaıdaǵy jol apatynan kóz jumǵan taǵy bir azamattyń jeke tulǵasy anyqtaldy
NUR-SULTAN. QazAqparat - Jambyl oblysy Qordaı aýdanyndaǵy iri jol apatynan qaza tapqan taǵy bir jolaýshynyń jeke tulǵasy anyqtaldy, dep habarlaıdy QazAqparat ІІM baspasóz qyzmetine silteme jasap.
«Jambyl oblysyndaǵy jol-kólik oqıǵasynan kóz jumǵan taǵy bir azamattyń kim ekeni belgili boldy. Ol - Qazaqstan azamaty», - delingen habarlamada.
Aıta keteıik, buǵan deıin ІІM marqumdardyń ishinde bir adamnyń jeke tulǵasy anyqtalmaǵanyn jarııalaǵan bolatyn.
Eske sala keteıik, búgin «Almaty-Tashkent» avtojolynyń boıynda iri jol apaty bolyp, 11 adam qaza tapty. Taǵy 5 adam ota ústelinde, al 3 adam jansaqtaý bóliminde jatyr. Qazir oblysta jedel shtab qurylǵan. Psıhologtar kezekshiligi qosylǵan «qaýyrt jeli» +7 (7262) 513575 jáne +7 (7262) 514167 jumys istep tur. ІІM málimetinshe, apatqa ushyraǵandar arasynda Qazaqstan, Ózbekstan jáne Tájikstan azamattary bar.
Sondaı-aq, oqıǵaǵa qatysty Senat tóraǵasy Darıǵa Nazarbaeva marqumdardyń týystaryna qaıǵyryp kóńil aıtty. Al Qazaqstan Prezıdenti Qasym-Jomart Toqaev Ózbekstan Prezıdenti Shavkat Mırzıeevke kóńil aıtý jedelhatyn joldady.
