Qordaıdaǵy jaǵdaı qaıtalanbas úshin qajetti sharalardy jasaýymyz kerek - Máýlen Áshimbaev
QR Prezıdenti Ákimshiligi Basshysynyń birinshi orynbasary Máýlen Áshimbaevtyń aıtýynsha, elimizde etnosaralyq qarym-qatynas pen qoǵamdyq kelisimdi saqtaý máselesi - memlekettik saıasattyń negizgi basymdyqtarynyń biri.
«Bul baǵytta sońǵy jyldary kóp jumys jasaldy. Degenmen jaqynda Qordaı aýdanynda bolǵan qaıǵyly oqıǵalar osy salada qordalanǵan máselelerdiń bar ekenin de kórsetti. Sondyqtan, elimizde osyndaı jaǵdaılar qaıtalanbaýy úshin kerekti barlyq sharalardy júzege asyrýymyz kerek. Prezıdentimiz Qasym-Jomart Toqaevtyń tıisti tapsyrmasy bar. Memlekettik organdar osy baǵyttarda jumys istep jatyr», - dedi M. Áshimbaev dóńgelek ústeldiń ashylýynda.
Bul jumys tıimdi bolýy úshin eń aldymen osy oqıǵalarǵa, jalpy etnosaıasatqa obektıvti saraptaý jasalýy kerek.
«Bul jaǵdaıǵa qandaı faktorlar yqpal etti? Áleýmettik máselelerdiń róli qandaı boldy? Qylmystyq toptardyń áreketi me? Memlekettik saıasattyń qaı jerinde olqylyqtar bar? Aldyn alý jumystarynda qandaı suraqtarǵa basymdyq berýimiz kerek? Jergilikti jáne ortalyq memorgandardyń jumysynyń tıimdiligin taldaý qajet. Qoǵamdyq ınstıtýttardyń, Qazaqstan halqy Assambleıasy qyzmetiniń tıimdiligin, ári qaraı qalaı damytý qajettigin túsiný kerek», - dedi ol.
Sonymen birge, Máýlen Áshimbaev elimizdiń etnosaıasatyn júzege asyrýda múddeli taraptarmen birlese jumys isteýdi usyndy.
«Etnosaralyq qarym-qatynastar salasyndaǵy memlekettik saıasattyń tıimdiligi bizdiń durys dıskýssııa quryp, qajetti sharalardy qabyldaýymyzǵa tikeleı baılanysty. Biz, Prezıdent Ákimshiligi bul talqylaýǵa daıynbyz, ashyq dıalogqa, azamattyq qoǵam ınstıtýttarymen jáne múddeli azamattarmen birlese jumys isteýge ázirmiz. Bul - Memleket basshysynyń «Halyq únine qulaq asatyn memleket» tujyrymdamasyn júzege asyrý kórsetkishteriniń biri. Aldaǵy ýaqytta elimizdiń etnosaıasatyn júzege asyrý aıasynda barlyq múddeli taraptarmen, uıymdarymen jáne naqty sarapshylarmen etene jumys isteýge daıynbyz», - dedi M. Áshimbaev.
