Qordaıdaǵy vaktsına shyǵaratyn zaýytty áskerıler kúzetedi

TARAZ. QazAqparat - Jambyl oblysy aýmaǵynda avtokólik, áýe, temir joldary ashyq. Kommýnaldyq qyzmet kórsetý mekemeleri shtattyq rejımde jumys jasaýda, suıyq otyn qory jetkilikti, dep habarlaıdy QazAqparat oblys ákiminiń baspasóz qyzmetine silteme jasap.

Ákimdiktiń málimetinshe, medıtsınalyq mekemeler, azyq-túlik dúkenderi, bazarlar men janar-jaǵar maı quıý beketteri qalypty jaǵdaıda jumys atqaryp jatyr. Óńirde a zyq-túlik, dári-dármek qory jetkilikti. Baǵa turaqtylyǵy kúndelikti baqylaýǵa alynǵan.

Temirjol vokzalynda 23.00-den keıin poıyzdan túsetin jolaýshylardy arnaıy kezekshi avtobýstar tasymaldaıdy.

Sonymen qatar, qylmyskerlerdi ustaý, jedel izdestirý sharalary qolǵa alynǵan.

Oblys aýmaǵynda 29 blok beket jumys isteıdi, onyń ishinde Taraz qalasynyń kirberisine 10 blok beket qoıylǵan. Onda ótken barlyq kólik tekseriledi. Blok beketterde shetel, basqa óńirlerden kelgen kólikteri jiti tekseriledi.

Óńirde qoǵamdyq tynyshtyqty saqtaý boıynsha jergilikti bılik pen erikti halyqtyń, qoǵam belsendileriniń birlesken jumysy jalǵasýda.

Qoǵamdyq tártipti qamtamasyz etý jumystaryna oblystan 6 000-ǵa jýyq quqyq qorǵaý organdary qyzmetkeri men áskerı jáne 304 arnaıy tehnıka jumyldyrylǵan.

Al, tártipke shaqyrýǵa baǵyttalǵan túsindirý jumystaryna 5 myńnan astam zııaly qaýym ókili, qoǵam belsendisi, bedeldi sportshylar jáne taǵy basqa tulǵalar tartylǵan.

Oblysta tótenshe jaǵdaı engizilgen. Komendant saǵaty keshki 23:00-den tańǵy 7:00-ge deıin.

Blok beketter, áýejaı, áskerı qoımalardy áskerıler qorǵaıdy.

Sondaı-aq, mańyzdy strategııalyq nysan bolyp tabylatyn Qordaı aýdany Otar áskerı qalashyǵyndaǵy Bıologııalyq qaýipsizdik problemalary ǵylymı zertteý ınstıtýtyn kúzetý áskerılerge júktelgen.