Qordaıdaǵy tóbelesten soń qamaýǵa alynǵan 44 adam bosatyldy – Myrzahmetov
NUR-SULTAN. QazAqparat - Masanchı aýylyndaǵy janjal kezinde ustalǵandardyń 44-i bosatyldy. Bul týraly oqıǵa ornynda júrgen BaigeNews.kz tilshisi habarlady.
Jambyl oblysynyń Qordaı aýdanyndaǵy jappaı tóbeles kezinde ustalǵan 44 adam Aýqatty aýylyndaǵy qamaýdan bosatyldy. Bul týraly 8 aqpanda Jambyl oblysynyń ákimi Asqar Myrzahmetov baspasóz máslıhaty barysynda málimdedi.
«Bul adamdardyń tóbeleske qatyspaǵany belgili bolǵannan keıin bosatyldy. Túngi úshte aýyl qorshaýǵa alynǵan kezde polıtsııa olardy qamaǵan bolatyn», - dedi Jambyl oblysynyń ákimi.
Jalpy, oblys ákiminiń aıtýynsha, túngi tóbeleske 1000-ǵa jýyq adam qatysqan. Buǵan deıin 47 adam ustalyp polıtsııa bólimine jetkizilgeni habarlanǵan.
«Sotqa deıingi tergeý sharalary QR Qylmystyq kodeksiniń 272-baby «Jappaı tártipsizdikke qatysý jáne ony uıymdastyrý», sondaı-aq QR QK 99-baby («Adam óltirý») boıynsha júrip jatyr», - dedi Іshki ister mınıstri Erlan Turǵymbaev.
