Qordaıdaǵy «qubyjyq» týraly vıdeo jalǵan – polıtsııa

TARAZ. QazAqparat – Áleýmettik jelide taraǵan Jambyl oblysy Qordaı aýdanyndaǵy «qubyjyq» týraly vıdeo jalǵan bolyp shyqty, dep habarlaıdy QazAqparat tilshisi.

Qordaı aýdanynda «túsiniksiz qubyjyq» týraly taraǵan vıdeoǵa qatysty Jambyl oblystyq polıtsııa departamentiniń baspasóz qyzmeti habarlama jasady.

Aǵymdaǵy jyldyń 16 maýsymynda ınternet jelisinde beınejazba jarııalanyp, onyń avtory Qordaı asýynda belgisiz janýardy (qubyjyq) qaǵyp ketkeni týraly aqparat taratqan.

Tekserý barysynda jambyldyq polıtseıler rolıktiń shyndyqqa janaspaıtynyn anyqtady.

«Bul beınejazba 2020 jyly AQSh-ta túsirilgen bolyp shyqty. Onda amerıkandyq avtor Djozef-Rob Kobaskıdiń (@robcobasky) 3D-skýlptýra músini beınelengen» delingen vedomstvo habarlamasynda.

Jambyl oblysynyń polıtsııa departamenti kórineý jalǵan aqparat taratqany úshin qylmystyq jaýapkershilik qarastyrylǵanyn eskertedi.