Qordaıda jylyna 1,2 mln tonna tsement óndiretin zaýyttyń qurylysy bastaldy
Jambyl oblysynyń ákimi Nurjan Nurjigitov, Sıngapýrlyq ICG kompanııasynyń ókili Veı Pıng, «KORCEM» JShS-niń atqarýshy dırektory Stanıslav Şerbakovtiń qatysýymen atalǵan zaýyt qurylysynyń irgetasyna kapsýla salý rásimi ótti.
«Memleket basshysynyń tapsyrmasyna sáıkes óńirimizde jańa jumys oryndaryn ashý, iri ınvestıtsııalar tartý boıynsha aýqymdy jumystar atqarylyp jatyr.
Aıtalyq, ótken jyldyń qorytyndysy boıynsha oblysqa jalpy somasy 400 mlrd teńgeden astam ınvestıtsııa tartyldy. Al bıylǵy úsh aıda óńirdiń negizgi kapıtalyna 70 mlrd teńgege jýyq ınvestıtsııa salyndy.
Búgingi tańda oblysta jalpy quny 1,5 trln teńgeni quraıtyn TOP-10 iri ınvestıtsııalyq jobalardyń pýly jasaqtalyp, onda 4500-ge jýyq jańa jumys orny qurylady dep josparlanýda.
Atap aıtqanda, reseılik «EuroChem Group AG» kompanııasynyń qatysýymen mıneraldy tyńaıtqyshtar zaýytynyń qurylysy júzege asyrylyp jatsa, «Monterra Group AG» nemis kompanııasynyń qatysýymen baǵaly metaldardy qaıta óńdeý jobasy iske asýda. Budan bólek, Qytaı, Frantsııa, Túrkııa sııaqty ózge elderdiń de qatysýymen aýqymdy jobalar júzege asyrylýda.
Búgin bul tizim «International Sement Group LTD» sıngapýrlyq áriptesterimizdiń ınvestıtsııalyq jobasymen «KORCEM» seriktestiginiń tsement óndirisi boıynsha zaýyt qurylysymen tolyǵýda.
Qurylys salasy – qarqyndy damyp kele jatqan sala ekendigin eskersek, bul kásiporynnyń qurylysqa tıgizer paıdasy mol bolary sózsiz.
Bul zaýyt iske qosylǵanda Jambyl oblysynda óndiriletin tsementtiń kólemi elimizdegi jalpy úlestiń 35 paıyzyn quraıdy dep kózdelýde», - dedi Nurjan Nurjigitov.
Sondaı-aq ol jergilikti atqarýshy organdar tarapynan bul jobaǵa jan-jaqty qoldaý kórsetiletinin jetkizdi.
«KORCEM» JShS-niń atqarýshy dırektory Stanıslav Şerbakov zaýyt jańa tehnologııalarmen jabdyqtyla otyryp, osy baǵyttaǵy Ortalyq Azııadaǵy eń zamanaýı ári qaldyqsyz kásiporyndardyń biri bolatynyn atap ótti.
Quny 50 mlrd teńgeni quraıtyn jobanyń jyldyq qýattylyǵy 1,2 mln tonnany quraıdy. Qurylys jumystaryna 900 adam tartylady dep kózdelgen. Joba iske qosylǵan soń 400-ge jýyq jańa jumys orny ashylatyn bolady. Negizinen jergilikti turǵyndar jumyspen qamtylady dep kútilýde.
Zaýyttyń tsehtary 2024 jyldyń aıaǵyna qaraı kezeń-kezeńimen iske qosyla bastaıdy jáne 2025 jyly tolyq qýattylyǵymen iske qosylady dep josparlanǵan. Ol úshin jaqyn mańdaǵy shıkizat qory jetkilikti, ónimmen Jambyl oblysynyń ishki naryǵyn jáne Qyrǵyzstan men elimizdiń basqa da óńirlerin qamtý kózdelip otyr.
