Qordaıda toı kortejindegi kólikten aspanǵa oq atqandar jazalandy
7 tamyzda Qordaı aýylynyń kóshelerimen júrip ótken toı kortejindegi avtokólikterdiń júrgizýshileri birqatar zań buzýshylyqtar úshin polıtsııa bólimine jetkizildi.
Atap aıtqanda, Lexus 570 avtokóliginiń 23 jastaǵy júrgizýshisi joldyń qarsy baǵytyna shyqqany úshin QR Ákimshilik quqyq buzýshylyq týraly kodekstiń 596-baby 3-bóligimen, memlekettik nómirsiz júrgeni úshin 590-baptyń 2-bóligimen jáne 590-baptyń 10-bóligimen («Aldyńǵy terezesine perde salý») ákimshilik jaýapkershilikke tartyldy.
Osy avtokólikten qarýmen joǵaryǵa oq atqany úshin 21 jasar aýyl turǵyny QR ÁQBtK 436-babynyń 1-bóligimen jaýapkershilikke tartylyp, tirkelgen ańshy myltyǵy tárkilenip alyndy.
Sondaı-aq, oq atqan Toyota Land Cruiser avtokóliginiń júrgizýshisine qatysty QR ÁQBtK 436-babynyń 1-bóligimen jáne QR ÁQBtK 484-babynyń 1-bóligimen («Qarýdy saqtaýǵa ishki ister organdarynyń ruqsaty bar adamdardyń azamattyq qarýdy tasymaldaý erejesin buzý») ákimshilik hattama toltyryldy. Sonymen qatar, memlekettik nómirsiz júrgeni úshin QR ÁQBtK 590-babynyń 2-bóligimen, QR ÁQBtK 230-babynyń 2-bóligimen («QR mindetti saqtandyrý týraly zańnamasyn buzýy»), QR ÁQBtK 590-babynyń 9-bóligimen («Memlekettik nemese mindetti tehnıkalyq qarap-tekserýden ótpegen kólik quralyn basqarý») ákimshilik hattama toltyryldy. Ańshy myltyǵy tárkilendi.
Sonymen qatar, joldyń qarsy baǵytyna shyqqany jáne drıft jasaǵany úshin Mercedes-benz S55 avtokóliginiń 22 jastaǵy júrgizýshisine qatysty QR ÁQBtK 596-babynyń 3-bóligimen, QR ÁQBtK 230-babynyń 2-bóligimen («QR mindetti saqtandyrý týraly zańnamasyn buzý»), 630-babynyń 1-bóligimen («Jol jabyndysyn búldirý») ákimshilik hattama toltyryldy.
Іstiń barlyq materıaldary aýdandyq sotqa joldanady.
Polıtsııa qyzmetkerleri osy toı kortejine qatysqan basqa da avtokólik ıelerin anyqtap, ustaý boıynsha sharalar júrgizip jatyr.
Foto: polisia.kz