Qordaıda tanysynyń 1 mln-ǵa jýyq teńgesin urlaǵan áıel ustaldy
Jambyl oblysynyń Qordaı aýdany polıtsııa bóliminiń kezekshi bólimine 35 jastaǵy Gvardeısk kentiniń turǵyny habarlasyp, Almaty oblysynan kelgen 35 jastaǵy birge turatyn áıelge qatysty shara qoldaný týraly shaǵymdanǵan.
Atalǵan áıel jábirlenýshiniń úıinde bola tura, erkin qol jetkizý jolymen onyń ámııanynan jáne usaq aqsha salatyn jınaq qobdıshasynan aqsha qarajatyn jasyryn urlap, sodan keıin qashyp ketken. Osylaısha shaǵymdanýshyǵa jalpy somasy 960 myń teńge kóleminde materıaldyq zalal keltirildi.
Atalǵan qylmysqa qatysty QR QK 188-baby 1-bóligi (Urlyq) boıynsha sotqa deıingi tergeý amaldary bastaldy.
«Jedel-izdestirý is-sharalary barysynda osy qylmystyq is boıynsha kúdikti ustalyp, Qordaı aýdanynyń polıtsııa bólimine jetkizildi. Ol urlyq jasaǵanyn ishinara moıyndady. Qazirgi tańda tergeý amaldary júrgizilýde», – dedi Qordaı APB bastyǵynyń orynbasary Darhan Rysdáýletov.