Qordaıda sý qoımasy aıaq astynan jasyl túske boıaldy
QORDAI. QazAqparat - Jambyl oblysynyń Qordaı aýdanynda ornalasqan Qaraqońyz sý qoımasy jasyl túske boıaldy, dep habarlaıdy QazAqparat.
Tamyz aıynyń basynda sý aıdynynyń túsi aıaq astynan jap-jasyl bolyp ketken. Masanshy aýylynyń turǵyndary sýdyń erekshe túsine tańǵalyp, onyń sýreti men vıdeosyn áleýmettik jelide jarııalady.
Aýyl halqynyń aıtýynsha, olar mundaı jaǵdaıdy birinshi ret kórip otyr. Olar qaýipsizdik úshin balalaryn aıdynnyń mańyna jolatpaı, sýǵa shomylýyna tyıym salǵan.
«Qazsýshar» RMK mamandary aýyl turǵyndarymen birge Qaraqońyz sýynan synama alyp, Qordaıdaǵy sanıtarlyq-epıdemıologııalyq stansanyń zerthanasyna joldaǵan. Alaıda bul zerthanada tek ishetin sýǵa zertteý júrgiziledi eken, al myna aǵyn sýdy oblys ortalyǵynda ǵana saraptamadan ótkizýge múmkindik bar.
4 tamyzda Qaraqońyz sý qoımasyna Jambyl oblysynyń ekologııa departamentinen úsh maman kelip, jaǵalaý boıyn tekserdi, birneshe núkteden synama aldy.
«Taıaýda sol zertteýdiń qorytyndysy shyqty, - deıdi Qordaı aýdany ákiminiń orynbasary Myrzaǵalı Kúzerbaev. - Qorqatyndaı eshteńe joq, barlyq kórsetkishter óz qalpynda. Tek keı komponentter boıynsha kontsentratsııanyń tıisti mólsheri joǵarylaǵany belgili boldy. Biraq sýdyń jasyl túske boıalýyna ol emes, tabıǵı qubylys sebep bolǵan. ıAǵnı, sýdaǵy baldyrlar fotosıntez protsesinde sýdyń túsin ózgertip jibergen».
Myrzaǵalı Kúzerbaevtyń aıtýynsha, ekologııa departamentiniń mamandary sý qoımasyn birneshe kún boıy baqylaǵan. Búginde sýdyń beti qaıtadan óziniń úırenshikti túsine boıalǵan.
«Alańdaýdyń qajeti joq. Kóldiń florasy men faýnasy zardap shekken joq» deıdi ol.
Aıta keteıik, Qaraqońyz - Jambyl oblysyndaǵy eń iri sý aıdyndarynyń biri. Onyń sýy egin alqaptaryn sýarýǵa paıdalanylady.
