Qordaıda koronavırýs juqtyrǵan eki adam anyqtaldy
QORDAI. QazAqparat – Jambyl oblysynda anyqtalǵan koronavırýstyń eki jańa deregi Qordaı aýdanynan tirkeldi, dep habarlaıdy QazAqparat ákimdikke silteme jasap.
30 jastaǵy birinshi naýqas - 17 naýryzynda Qordaıǵa Nur-Sultan qalasynan kelgen. Ol 30 naýryz kúni JRVI belgilerimen aýrýhanaǵa jatqyzylǵan. Alynǵan taldaýlar qorytyndysy koronavırýsqa oń nátıje kórsetti. Azamatsha ınfektsııalyq statsıonarǵa aýystyryldy. Jaqyn baılanysta bolǵan 9 adam anyqtalyp, karantındik statsıonarǵa ornalastyryldy.
Al, ekinshi naýqas buǵan deıin anyqtalǵan naýqaspen baılanysta bolǵan 24 jastaǵy azamat. Onymen qarym-qatynasta bolǵan bes adam karantınge jabyldy.
