«Qordaı» ótkizý pýnkti keńeıtilip, qaıta jańartyldy

TARAZ. QazAqparat – QR Indýstrııa jáne ınfraqurylymdy damytý mınıstri Beıbit Atamqulov pen Jambyl oblysynyń ákimi Berdibek Saparbaev «Qordaı» ótkizý pýnktin keńeıtý jáne qaıta qurý jumystarynyń nátıjelerimen tanysty, dep habarlaıdy QazAqparat tilshisi.

Bir jyl ishinde kóptegen jumys at atqarylǵan. Tapsyrys berýshi «QazAvtoJol», al bas merdiger – «DorStroı» JShS. Quny 5,2 mıllıard teńgeni quraıtyn qaıta qurý jumystarynyń basty artyqshylyǵy retinde «Rapıskan» jeke ınspektsııalyq keshenderiniń paıda bolýyn aıtýǵa bolady. Ony joǵary tehnologııalyq skanerler dep te ataýǵa bolady. Sany – 9. Olardyń bireýi iri kólik quraldaryn skanerleýge arnalsa, qalǵan shaǵyn segizi jeke adamdar úshin. Qurylǵylar shekaradan jaıaý ótýshiler úshin galereıamen baılanysqan A jáne V eki blokta ornalasqan. Sondaı-aq, múmkindigi shekteýli jandarǵa arnalǵan arnaıy sanıtarlyq qondyrǵylar jabdyqtalyp, aýmaǵy abattandyrylǵan.

«Tekserý keshenderiniń jetkilikti bolýy pýnkt jumysy kezinde asa mańyzdy bolyp tabylady», - dep atap ótti aımaq basshysy.

Sondaı-aq, kirme joldar eki baǵyt boıynsha segiz jolaq bolyp etip keńeıtildi. Maýsym ishinde «Qordaı» pýnkti arqyly 35 myńǵa deıin adam ótedi.

Osyndaǵy qyzmetkerler júıeniń mundaı aǵymyna daıyn ekendigine senimdi.

«Jumystyń barlyq baǵyttarynda halyqaralyq standarttarǵa umtylý qajet. Men ınvestor tartyp, avtoturaqtyń ornyna zamanaýı logıstıkalyq ortalyq salýdy usynamyn. Jertóle qabatynda avtoturaq, birinshi qabatta kútý zaly, ekinshisinde kafe, valıýta aıyrbastaý pýnktteri, kádesyı dúkenderi jáne taǵy basqalaryn ornalastyrýǵa bolady», - degen pikir bildirdi B.Atamqulov.

Berdibek Saparbaev ta usynysty qoldady. Jumystar osy baǵytta júrgizilmek.

Jańartylǵan ótkizý pýnktimen tanysý barysynda Merki-Shý-Býrylbaıtal avtomobıl jolynyń qurylysy týraly esepter tyńdaldy. Qytaılyq «China Xinxing Cjrporation Group» kompanııasy ókiliniń aıtýynsha, olar keler jyly joldyń 95 shaqyrymdyq bóligin aıaqtamaq. Jumystyń qarqynyn arttyrý úshin jolshylar taǵy bir asfalt-beton zaýytyn iske qospaq.

Beıbit Atamqulov 11 kópir men jol ótkeliniń qurylysyna erekshe nazar aýdarýǵa shaqyrdy.

Taǵy bir merdiger «ABK-Avtodor NS» JShS de baǵyttyń 167 shaqyrymyn quraıtyn qurylys jáne jol jumystarynyń barysy týraly habarlady.

Oblys ákimi kompanııalarǵa jergilikti turǵyndarǵa, eń aldymen halyqtyń áleýmettik osal toptaryna turaqty túrde kómek kórsetýdi usyndy. Sondaı-aq, atalǵan jol tolyqtaı jaryqtandyrylyp, malǵa arnalǵan ótkelderdiń qajetti sanymen qamtylý qajettiligine kóńil bólgizdi.