«Qordaı» ótkizý beketi jańǵyrtylady - Saǵyntaev
ASTANA. QazAqparat - Qazaqstan-Qyrǵyzstan memlekettik shekarasyndaǵy «Qordaı» ótkizý beketi jańǵyrtylady. Bul jaıynda QR Premer-Mınıstri Baqytjan Saǵyntaevtyń Májilis depýtattarynyń resmı saýalyna berilgen jaýabynda aıtylǵan, dep habarlaıdy QazAqparat tilshisi.
«Indýstrııa jáne ınfraqurylymdyq damý mınıstrligi qazaq-qyrǵyz shekarasyndaǵy «Qordaı» ótkizý beketin jańǵyrtýdyń jobalyq-smetalyq qujattamasyn ázirleý jumystaryn júrgizip jatyr. Jańǵyrtý jumystaryn bastaý aǵymdaǵy jyldyń sońyna qaraı josparlanǵan», - dedi Úimet basshysy.
Sonymen qatar Premer-Mınıstr qazaq-qyrǵyz shekarasyndaǵy qalǵan alty bekettiń jańǵyrtý jumystaryn qajet etpeıtindigin, kólik quraldary men jolaýshylardyń úzdiksiz ary-beri ótýin qamtamasyz etetindigin atap ótken.
