Qordaı oqıǵasy boıynsha 25 adam ustaldy - Bas prokýratýra
Bul týraly búgin Ortalyq kommýnıkatsııalar qyzmetindegi brıfıngte QR Bas Prokýrorynyń orynbasary Erlik Kenenbaev aıtty, dep habarlaıdy QazAqparat tilshisi.
«Búgin Jambyl oblysynda, Almaty jáne Shymkent qalalarynda Qordaı aýdanyndaǵy jappaı tártipsizdikke belsendi qatysýshylardy ustaý boıynsha arnaıy operatsııa júrgizildi. Onyń nátıjesinde 25 adam ustaldy. Olardyń ishinde qazaqtar, dúngender, qyrǵyzdar bar. Onyń 7-eýi buryn sottalǵan. Іsti tergeý jalǵasýda jáne bizdiń erekshe baqylaýymyzda tur. Barlyq protsessýaldyq sheshimder zańnamaǵa sáıkes qatań qabyldanýda. Jınalǵan dáleldemelerge tııanaqty taldaý júrgizip jatyrmyz. Jappaı tártipsizdikke qatysýshylardyń árbiriniń róline baǵa berilýde», - dedi ol.
Osy rette Bas prokýrordyń orynbasary barlyq qazaqstandyqty qylmystyq istiń tergelýi barysy jaıynda tek resmı derek kózderine senýge shaqyrdy.
«Ártúrli arandatýshylarǵa ermeýlerińizdi suraımyn. Jalǵan málimetterdi taratýǵa jáne joldaýǵa jol bermeý qajet. Sot tóreligin júzege asyrýǵa jáne sotqa deıingi tergeý júrgizýge kedergi jasaǵany úshin QR Qylmystyq kodeksiniń 407-babymen qylmystyq jaýapkershilik kózdelgenin eskertemin. Búgin tolyq senimmen Qordaıdaǵy jaǵdaı turaqty dep aıta alamyn», - dedi Erlik Kenenbaev.
