Qordaı beketinde zańsyz ákelingen 1000 kg úırek eti men 32 kg ýyldyryq anyqtaldy

ASTANA. KAZINFORM — Jambyl oblysy, Qordaı aýdanyndaǵy «Qordaı» veterınarlyq baqylaý beketinde Veterınarlyq baqylaý jáne qadaǵalaý komıteti ınspektsııasy janýar ónimderin zańsyz tasymaldaý jaǵdaılaryn anyqtady. Bul týraly AShM baspasóz qyzmeti habarlady. 

— Alǵashqy oqıǵa Qyrǵyzstannan 1000 kg qus etin (úırek etin) elge ákelýge baılanysty. Júk kóligin tekserý barysynda ónimniń arnaıy belgisiniń joqtyǵy, kóliktiń veterınarlyq talaptarǵa saı kelmeıtindigi jáne qujattarda durys aqparat bolmaǵandyǵy anyqtaldy, — delingen habarlamada.

Ónim keri qaıtarylyp, júrgizýshi ákimshilik jaýapqa tartyldy.

— Odan keıin Qyrǵyzstan azamatynyń qol júgi tekserilip, onda 32 kg (162 banka) ýyldyryqtyń qujatynyń joqtyǵy anyqtaldy, — delingen AShM habarlamasynda.

Bul ónim de keri qaıtarylyp, azamat ákimshilik jaýapkershilikke tartyldy. ‎

Aıta ketelik brakonerlikke qarsy is-sharada 93 qylmystyq is qozǵalyp, 39 mln teńgeden astam aıyppul salyndy.