«Qordaı» beketin salýdaǵy bylyq: QazAvtoJol laýazymdy tulǵalary qamaýǵa alyndy
«Qordaı» ótkizý pýnktin salý kezinde bıýdjet qarajatyn asa iri mólsherde jymqyrý faktisi boıynsha sotqa deıingi tergeý júrgizilýde, dep habarlaıdy Jambyl oblysy boıynsha Sybaılas jemqorlyqqa qarsy qyzmet departamentiniń baspasóz qyzmeti.
«Jambyl oblysy boıynsha Sybaılas jemqorlyqqa qarsy qyzmet „QazAvtoJol“ UK» AQ Jambyl oblystyq fılıalynyń laýazymdy tulǵalaryna qatysty Jambyl oblysynda «Qordaı» ótkizý pýnktin salý kezinde bıýdjet qarajatyn asa iri mólsherde jymqyrý faktisi boıynsha sotqa deıingi tergeý júrgizýde. Zalaldyń aldyn ala somasy 194 mln teńgeden astam» delingen habarlamada.
Sottyń sanktsııasymen barlyq kúdiktiler: Qazavtojol fılıaly dırektorynyń orynbasary, merdiger uıymnyń ókili jáne tehnıkalyq qadaǵalaý sarapshysy qamaýǵa alyndy.
Tergeý jalǵasýda.
Qylmystyq-protsestik kodeksiniń 201-babyna sáıkes ózge aqparat jarııa etýge jatpaıdy.
