«Qordaı» beketi arqyly balyqty zańsyz ótkizý áreketiniń joly kesildi

ASTANA. KAZINFORM - Jambyl oblysy Qordaı aýdanynda ornalasqan «Qordaı» Veterınarııalyq baqylaý pýnktinde Qyrǵyz Respýblıkasyna balyq ónimderin zańsyz ótkizý áreketi anyqtaldy, dep habarlaıdy QR AShM baspasóz qyzmeti. 

Pýnkttiń veterınarııalyq-sanıtarııalyq ınspektory júrgizgen tekserý barysynda eki avtomobıl tasymaldanatyn ónimge tıisti veterınarııalyq ilespe qujattarsyz 8 tonna balyq ónimin tasymaldaǵany anyqtaldy.

Avtokólik júrgizýshilerine aıyppul salynyp, júk qaıtaryldy.

Júrgizýshilerge veterınarııalyq baqylaýdaǵy janýarlardan alynatyn ónimderdi tasymaldaýǵa qatysty veterınarııalyq zańnamanyń talaptary, sondaı-aq memlekettik shekaradan ótý úshin barlyq qajetti qujattardy alýdyń mańyzdylyǵy túsindirildi.