Qordaı aýdanynda qosymsha shekteý sharalary engiziledi

Shekteý sharalary:

1) Tómendegi jaǵdaılardy qospaǵanda, Qordaı aýdanynyń eldi mekenderi arasynda halyqtyń, onyń ishinde qoǵamdyq kóliktiń qozǵalýyn 22.00 saǵattan 7.00 saǵatqa deıin shekteý:

- jumys ornynan anyqtama nemese qyzmettik kýáligi bolǵan kezde ǵana turǵylyqty jerinen jumys ornyna deıin jáne keri qaraı júrip-turý;

- shuǵyl jaǵdaı boıynsha medıtsınalyq mekemege júginý;

- malyn jaıý;

- kútpegen TJ jáne adamnyń ómiri men densaýlyǵyna qaýip tóndiretin basqa da jaǵdaılar bolǵan jaǵdaıda úıden shyǵý;

2) aýdan turǵyndaryna týysqandaryna, tanystaryna, kórshilerine, áriptesterine jáne t. b. barýǵa jol berilmeıdi;

3) shekaralyq baqylaý-ótkizý beketterinde tranzıttik júk avtokólikterin, sondaı-aq Jambyl oblysynyń ónerkásip, aýyl sharýashylyǵy kásiporyndarynyń úzdiksiz jumys isteýin jáne tynys-tirshiligin qamtamasyz etý úshin azyq-túlik taýarlary, dárilik zattar jáne medıtsınalyq buıymdar, óndiristik taýarlar jáne materıaldary bar avtokólikti qospaǵanda, avtokóliktiń barlyq túrleriniń saǵat 19.00-den 10.00-ge deıin kirýine tyıym salynady;

4) koronavırýs ınfektsııasynyń bolýyna qatysty zerthanalyq tekserý nátıjesi berilgenge sheıin Qazaqstan Respýblıkasynyń aýmaǵyna keletin azamattardy bir kúndik statsıonarlyq karantınge mindetti túrde ornalastyrý engiziledi.

5) sondaı-aq aýdanda qoǵamdyq kólik pen taksı qozǵalysy shekteledi;

6) Qordaı aýdanynyń aýmaǵyna (aýmaǵynan) tómendegi jaǵdaıardy qospaǵanda saǵat 19:00-den 7:00-ge deıin avtokólik quraldarynyń kirýine jáne shyǵýyna shekteý engiziledi:

- tranzıttik júk avtokóligi, sondaı-aq azyq-túlik taýarlary bar júk avtokóligi jáne tirshilik áreketin qamtamasyz etý qyzmetteri;

- shuǵyl jaǵdaı boıynsha medıtsınalyq mekemege shyǵý;

- turǵylyqty jerinen jumys ornyna deıin júrip-turý jáne keri qaıtý jaǵdaıynda jumys ornynan anyqtama nemese qyzmettik kýáliginiń bolýy.