Qordaı aýdany ákimdigi 479 mln teńgeni negizsiz jumsamaq bolǵan

TARAZ. KAZINFORM – Jambyl oblysynyń prokýrorlary 479 mln teńgege zańsyz memlekettik satyp alýdyń jolyn kesti.

Qordaı aýdanynyń baqylaýshy organy jergilikti ákimdiktiń «Memlekettik satyp alý týraly» Zań talaptaryn saqtaýyna taldaý júrgizilgen.

«Tekseris barysynda quny 479 mln teńgege oblystyq mańyzy bar avtojoldyń ortasha jóndeý jumysy boıynsha memlekettik satyp alýdyń uıymdastyrýshysyn durys anyqtamaý faktisi áshkere boldy.

Prokýrorlyq qadaǵalaý aktisiniń negizinde atalǵan konkýrs buzyldy», — dep jazdy prokýratýradan.

Nátıjesinde bıýdjet qarajaty negizsiz jumsalmaıtyn boldy.