Qorajaıdaǵy órtten 16 buzaý janyp ketti - BQO
ORAL. 10 tamyz. QazAqparat - Aqjaıyq aýdany Mergen aýyldyq okrýginiń «Ańsaǵan» sharýa qojalyǵyndaǵy qora-jaı órtenip, 250 sharshy metrdi qamtydy.
Aýdandyq tótenshe jaǵdaılar bóliminen habarlaǵanyndaı, qora-jaı qasaqana órtelgen degen boljam jasalýda. Qoradaǵy 16 buzaý janyp ketti.
Sondaı-aq Jańabulaq aýylynda bir turǵyn úıdiń sharýashylyq qurylystarynda 240 sharshy metrdi qamtyǵan órt shyǵyp, úsh tas qora, eki aǵash qora, jazǵy mal orny, 9 tonna pishen otqa ketti. Jalpy shyǵyn - 400 myń teńge. Bul oqıǵanyń sebebi abaısyzdyqtan delinýde.
Oblystyq tótenshe jaǵdaılar departamentinen túsken málimetke qaraǵanda, bıylǵy alty aıda óńirde 290 órt tirkelip, shyǵyn 153 mln. teńgeden asty. 5 adam qaza taýyp, 12-si jaraqattandy. 23 adam qutqarylǵan. Órt 18, shyǵyn kólemi 65 paıyzǵa kóbeıse, adamnyń qaza tabýy 16, jaraqattanýy 25 paıyzǵa azaıdy.
Oblysta 4 iri dala órti bolyp, 11200 gektardy qamtydy.
