Qoraz tóbelestirgishter jazaǵa tartylatyn boldy
ASTANA. QazAqparat - Nıý-Iork shtatynyń bıligi qoraz tóbelisin uıymdastyrýshylardy ustaý boıynsha operatsııa barysynda 3000 myń qorazdy bosatty. AQSh-ta qustardyń tóbelesterge zańmen tyıym salynǵan.
Jalpy polıtseıler zańsyz qoraz tóbelesin uıymdastyrýshy 70-ten astam adamdy tutqyndady. Bul operatsııa Nıý-Iork shtaty tarıhynda eń aýqymdy is-sharalardyń biri boldy. Polıtsııa zoodúkenniń jertólesine basyp kirgende ol jerde qustardyń shaıqasy júrip jatqan kórinedi. Belgili bolǵandaı, keıbir áteshterdiń aıaǵyna temir tepkiler baılanǵan eken. Zoodúkende osyndaı tóbelester aıyna eki ret ótkizilip kelgen, al osy qandy saıysqa qatysqan qorazdarǵa erekshe «dopıng» egilip otyrǵan.
