Qor naryǵynda dollar baǵamy birden 6 teńgege arzandady

ALMATY. QazAqparat – Qazaqstan qor bırjasyndaǵy (KASE) saýda-sattyq qorytyndysy boıynsha, 1 dollardyń teńgege qatysty baǵamy tómendedi, dep habarlaıdy QazAqparat tilshisi.

Kúndizgi saýda-sattyq málimetine qaraǵanda, dollar baǵamy 5,98 teńgege tómendep, 1 dollar 435,69 teńge boldy.
Aıta keteıik, Ulttyq banktiń 2 naýryzdaǵy resmı baǵamy – 1 dollar úshin 442, 11 teńge boldy.
Kurs.kz málimetinshe, Almatydaǵy aqsha aıyrbastaý pýnkterinde dollardyń satý baǵamy – 434 teńge, satyp alý – 439 teńge.
Al, Astana qalasy boıynsha satý baǵamy – 435 teńgeden bolsa, satyp alý – 438 teńge.
Almatyda Reseı rýbli 5,65 – 5,95 teńge aralyǵynda saýdalanyp jatyr.
Astanada kórshi el valıýtasy 5,7 - 5,78 teńgeden satylýda.