Qor naryǵynda dollar baǵamy 460 teńge boldy

ALMATY. QazAqparat – Qazaqstan qor bırjasyndaǵy (KASE) saýda-sattyq qorytyndysy boıynsha, 1 dollardyń teńgege qatysty baǵamy tómendedi, dep habarlaıdy QazAqparat tilshisi.

Kúndizgi saýda-sattyq málimetine qaraǵanda, dollar baǵamy 0,75 teńgege tómendep, 1 dollar 460,62 teńge boldy.

Aıta keteıik, Ulttyq banktiń 27 jeltoqsandaǵy resmı baǵamy – 1 dollar úshin 461, 10 teńge boldy.

Kurs.kz málimetinshe, Almatydaǵy aqsha aıyrbastaý pýnktterinde dollardyń satý baǵamy – 463 teńge, satyp alý – 467 teńge.

Al, Astana qalasy boıynsha satý baǵamy – 462,5 teńgeden bolsa, satyp alý – 465,5.

Reseı rýbli 6,25 – 6,55 teńge aralyǵynda saýdalanyp jatyr.

QR Ulttyq bankiniń deregine sáıkes, 27 jeltoqsan kúni Reseı rýbliniń ortasha saralanǵan baǵamy – 6,74 teńge boldy.