Qor naryǵynda dollar 4,23 teńgege qymbattady

ALMATY. QazAqparat - Qazaqstan qor bırjasyndaǵy (KASE) saýda-sattyq qorytyndysy boıynsha, 1 dollardyń teńgege shaqqandaǵy baǵamy ósti, dep habarlaıdy QazAqparat tilshisi.

KASE qor naryǵyndaǵy kúndizgi saýda qorytyndysyna sáıkes, dollar 4,23 teńgege qymbattap, ortasha 450, 48 teńge boldy.

Ulttyq banktiń 15 mamyrdaǵy resmı baǵamy – 1 dollarǵa 445, 99 teńge.

Reseı rýbliniń ortasha saralanǵan quny – 5,78 teńge.

Kurs.kz málimetinshe, qazirgi ýaqytta Almatynyń aqsha aıyrbastaý pýnkterinde dollar 447,5 teńgeden usynylyp jatyr, satyp alý baǵamy – 451 teńge. Al Astana qalasy boıynsha satý – 448 teńge, satyp alý – 452 teńge.

Reseı rýbli 5,55 – 5,67 teńge aralyǵynda saýdalanýda.