Qor naryǵynda dollar úshinshi kún qatarynan arzandap jatyr

ALMATY. KAZINFORM – Qor bırjasyndaǵy (KASE) saýda-sattyq qorytyndysy boıynsha 1 dollardyń teńgege qatysty baǵamy arzandady. 

Kúndizgi saýda-sattyq málimetine qaraǵanda, dollar baǵamy 0,19 teńgege tómendep, 1 dollar 445,43 teńge boldy.

Aıta keteıik, Ulttyq banktiń 24 qańtardaǵy resmı baǵamy – 1 dollar úshin 446,03 teńge.

Kurs.kz málimetinshe, Almatydaǵy aqsha aıyrbastaý pýnkterinde dollardyń satý baǵamy – 445,5 teńge, satyp alý – 447,7 teńge. Al, Astana qalasy boıynsha satý baǵamy – 445,5 teńgeden bolsa, satyp alý – 449,5 teńge.

Almatyda Reseı rýbli 4,97 – 5,11 teńge aralyǵynda saýdalanyp jatyr. Astanada kórshi el valıýtasy 4,9 – 5,05 teńgeden satylýda.