Qor naryǵynda dollar taǵy arzandady

Qazaqstan qor bırjasyndaǵy (KASE) saýda-sattyq qorytyndysy boıynsha, 1 dollardyń teńgege qatysty baǵamy tómendedi, dep habarlaıdy  Kazinform. 

Kúndizgi saýda-sattyq málimetine qaraǵanda, dollar quny 1 teńgege tómendep, 1 dollar 475,78 teńge boldy. 

Aıta keteıik, Ulttyq banktiń 12 qazanǵa belgilegen resmı baǵamy – 1 dollar úshin 476, 78 teńge.

Kurs.kz málimetinshe, Almatydaǵy aqsha aıyrbastaý pýnktterinde dollar 475,7 teńgeden satylyp jatyr, satyp alý – 478,3 teńge.

Al Astana qalasynda satý baǵasy – 473 teńge bolsa, satyp alý – 478 teńge.

Reseı rýbli Almatyda 4,85 – 5,05 teńge, Astanada 4,80– 4,95 teńge aralyǵynda saýdalanyp jatyr.