Qor naryǵynda dollar taǵy arzandady

ALMATY. KAZINFORM – Qazaqstan qor bırjasyndaǵy (KASE) saýda-sattyq qorytyndysy boıynsha, 1 dollardyń teńgege shaqqandaǵy baǵamy tómendedi.

KASE qor naryǵyndaǵy kúndizgi saýda-sattyq qorytyndysy boıynsha, dollar baǵamy 0,12 teńgege arzandady.

Bir AQSh dollarynyń ortasha baǵamy – 488,11 teńge.

Ulttyq banktiń 1 qarashadaǵy resmı baǵamy – 1 dollarǵa 488,26 teńge. Reseı rýbliniń ortasha saralanǵan quny – 5,03 teńge. Eýro – 530,54.

Kurs.kz málimetinshe, qazirgi ýaqytta Almatynyń aqsha aıyrbastaý pýnktterinde dollar 488 teńgeden satylyp jatyr, satyp alý baǵamy – 489,2 teńge. Eýro 530 – 532 teńge aralyǵynda qubylyp tur.

Al, Astana qalasy boıynsha satý baǵamy – 487 teńge, satyp alý quny – 492 teńge.Eýro 527 teńgeden satylyp, 533 teńgeden satyp alynady.

Reseı rýbli 4,97 - 5,07 teńge aralyǵynda saýdalanyp jatyr.

Osyǵan deıin Ulttyq bank tóraǵasy Tımýr Súleımenov dollar kýrsyna qatysty pikir bildirgen edi.