Qor naryǵynda dollar taǵy arzandady

ALMATY. KAZINFORM – Qazaqstan qor bırjasyndaǵy (KASE) saýda-sattyq qorytyndysy boıynsha, 1 dollardyń teńgege shaqqandaǵy baǵamy tómendedi.

KASE qor naryǵyndaǵy kúndizgi saýda qorytyndysy boıynsha, dollar baǵamy 2,67 teńgege arzandady.

Bir AQSh dollarynyń ortasha baǵamy – 495,28 teńge.

Kurs.kz málimetinshe, qazirgi ýaqytta Almatynyń aqsha aıyrbastaý pýnktterinde dollar 503 teńgeden satylyp jatyr, satyp alý baǵamy — 498 teńge. Eýro 520 — 524 teńge aralyǵynda qubylyp tur.

Al, Astana qalasy boıynsha dollardy satý baǵamy — 502,7 teńge, satyp alý quny — 496,7 teńge. Eýro 524 teńgeden satylyp, 517 teńgeden satyp alynady.

Dál qazirgi ýaqytta aqsha aıyrbastaý oryndarynda Reseı valıýtasy 5,37 - 5,52 aralyǵynda saýdalanyp jatyr.

Ulttyq banktiń 14 aqpanǵa usynǵan resmı baǵamy — bir dollarǵa 497,88 teńge. Reseı rýbliniń ortasha saralanǵan quny — 5,44 teńge. Eýro — 518,59.

Osyǵan deıin Qazaqstan qarjygerler qaýymdastyǵy 2025 jyly dollar 545 teńgege deıin barýy múmkin ekenin aıtty.

Sondaı-aq Ulttyq bank valıýta aıyrbastaýdyń jańa erejesin bekitetinin málimdedi.

Qazaqstandyq ekonomıster teńgeniń nyǵaıýyna múmkindik bar ekenin aıtty.