Qor naryǵynda dollar qaıta qymbattady

Qazaqstan qor bırjasyndaǵy (KASE) saýda-sattyq qorytyndysy boıynsha, 1 dollardyń teńgege shaqqandaǵy baǵamy qaıta ósti, dep habarlaıdy Kazinform. 

KASE qor naryǵyndaǵy kúndizgi saýda qorytyndysyna sáıkes, dollar 0,45 teńgege qymbattap, 1 AQSh dollarynyń ortasha baǵamy 470,09 teńge boldy.

Ulttyq banktiń 1qarashaǵa belgilegen resmı baǵamy: 1 dollarǵa – 469,67 teńge, Reseı rýbline – 5,11teńge.

Kurs.kz málimetinshe, qazirgi ýaqytta Almatynyń aqsha aıyrbastaý pýnktterinde dollar 470,01 teńgeden satylyp jatyr, satyp alý quny – 472,9 teńge.

Al Astana qalasynda 468 teńgeden satylyp jatyr, satyp alý – 473 teńge.

Reseı rýbli 4,95 – 5, 03 teńge aralyǵynda qubylyp tur.

Aıta keteıik, qor naryǵynda AQSh aqshasy eki kún qatarynan arzandaǵan bolatyn.