Qor naryǵynda dollar baǵasy qubylyp tur

Qazaqstan qor bırjasyndaǵy (KASE) saýda-sattyq qorytyndysy boıynsha, 1 dollardyń teńgege shaqqandaǵy baǵamy qaıta ósti, dep habarlaıdy Kazinform.

KASE qor naryǵyndaǵy kúndizgi saýda qorytyndysyna sáıkes, dollar 1,65 teńgege qymbattap, 1 AQSh dollarynyń ortasha baǵamy 471,87 teńge boldy.

Ulttyq banktiń 30 qazanǵa belgilegen resmı baǵamy: 1 dollarǵa – 470,30 teńge, Reseı rýbline – 5,04 teńge.

Kurs.kz málimetinshe, qazirgi ýaqytta Almatynyń aqsha aıyrbastaý pýnkterinde dollar 472,9 teńgeden satylyp jatyr, satyp alý quny – 475,7 teńge.
Al Astana qalasynda 471 teńgeden satylyp jatyr, satyp alý – 476 teńge.

Reseı rýbli 4,95 – 5, 1 teńge aralyǵynda qubylyp tur. 

Aıta keteıik ótken juma kúni Qor naryǵynda AQSh aqshasy 5,80 teńgege tómendegen bolatyn.