Qor naryǵynda dollar baǵasy qubylyp tur

Qazaqstan qor bırjasyndaǵy (KASE) saýda-sattyq qorytyndysy boıynsha, 1 dollardyń teńgege shaqqandaǵy baǵamy kóterildi, dep habarlaıdy Kazinform.

KASE qor naryǵyndaǵy kúndizgi saýda qorytyndysy boıynsha, dollar baǵamy 0,46 teńgege qymbattady. Solaı, 1 AQSh dollarynyń ortasha quny 477,12 teńge boldy.

Ulttyq banktiń 17 qazanǵa belgilegen resmı baǵamy: 1 dollarǵa – 476,64 teńge, Reseı rýbline – 4,90 teńge.

Kurs.kz málimetinshe, qazirgi ýaqytta Almatynyń aqsha aıyrbastaý pýnkterinde dollar 477,3 teńgeden satylyp jatyr, satyp alý – 479,9 teńge. Al Astana qalasynda satý baǵamy – 476 teńge, satyp alý – 481 teńge.

Valıýta aıyrbastaý oryndarynda rýbl 4,80 – 4, 95 teńge aralyǵynda saýdalanyp jatyr.

Aıta keteıik, Qor naryǵynda dollar baǵasy qubylyp tur. Keshe AQSh aqshasy 0,34 teńgege arzandaǵan bolatyn.