Qor naryǵynda dollar arzandady

ALMATY. KAZINFORM – Qazaqstan qor bırjasyndaǵy (KASE) saýda-sattyq qorytyndysy boıynsha 1 dollardyń teńgege qatysty baǵamy tómendedi.

Kúndizgi saýda-sattyq málimetine qaraǵanda, dollar quny 0,91 teńgege tómendep, 1 dollar 443,35 teńge boldy.

Aıta keteıik, Ulttyq banktiń 26 sáýirge belgilegen resmı baǵamy – 1 dollar úshin 444,22 teńge.

Kurs.kz málimetinshe, Almatydaǵy aqsha aıyrbastaý pýnktterinde dollar 443,3 teńgeden satylyp jatyr, satyp alý – 444,7 teńge.

Al, Astana qalasynda satý baǵasy – 442 teńge bolsa, satyp alý – 447 teńge.

Reseı rýbli Almatyda 4,76 – 4,79 teńge, Astanada 4,72–4,82 teńge aralyǵynda saýdalanyp jatyr.