Qor naryǵynda dollar arzandady

ALMATY. KAZINFORM — Qor bırjasyndaǵy (KASE) saýda-sattyq qorytyndysy boıynsha 1 dollardyń teńgege qatysty baǵamy arzandady.

Kúndizgi saýda-sattyq málimeti boıynsha, dollar baǵamy 0,48 teńgege tómendep, 1 dollar 450,61 teńgeni qurady. 

Ulttyq banktiń 29 aqpandaǵy resmı baǵamy — 1 dollar úshin 451,31 teńge.

Kurs.kz málimetinshe, Almatydaǵy aqsha aıyrbastaý pýnkterinde dollardyń satý baǵamy — 451 teńge, satyp alý — 452,3 teńge. Al, Astana qalasy boıynsha satý baǵamy — 448 teńgeden bolsa, satyp alý — 453 teńge. 

Almatyda Reseı rýbli 4,85 — 4,95 teńge aralyǵynda saýdalanyp jatyr. Astanada kórshi el valıýtasy 4,83 — 4,98 teńgeden satylýda.