Qor naryǵynda dollar 2 teńgege jýyq qymbattady

Qazaqstan qor bırjasyndaǵy (KASE) saýda-sattyq qorytyndysy boıynsha, 1 dollardyń teńgege shaqqandaǵy baǵamy qaıta ósti, dep habarlaıdy Kazinform.

KASE qor naryǵyndaǵy kúndizgi saýda qorytyndysyna sáıkes, dollar 1,99 teńgege qymbattap, 463,09 teńge boldy.

Ulttyq banktiń 24 qarashaǵa belgilegen resmı baǵamy – 1 dollarǵa 461,17 teńge. Reseı rýbliniń ortasha saralanǵan quny – 5,23 teńge.

Kurs.kz málimetinshe, qazirgi ýaqytta Almatynyń aqsha aıyrbastaý pýnkterinde dollar 460,9 teńgeden satylyp jatyr, satyp alý baǵamy – 463,5 teńge. Al Astana qalasynda satý baǵamy – 461 teńge, satyp alý – 465 teńge.

Reseı rýbli 5,12 – 5, 22 teńge aralyǵynda usynylýda.