Qor naryǵynda dollar 2 teńgege qymbattady

ALMATY. KAZINFORM — Qazaqstan qor bırjasyndaǵy (KASE) saýda-sattyq qorytyndysy boıynsha, 1 dollardyń teńgege shaqqandaǵy baǵamy ósti.

KASE qor naryǵyndaǵy kúndizgi saýda qorytyndysy boıynsha, dollar baǵamy 2,36 teńgege qymbattady.

Bir AQSh dollarynyń ortasha baǵamy — 519,28 teńge.

Kurs.kz málimetinshe, qazirgi ýaqytta Almatynyń aqsha aıyrbastaý pýnktterinde dollar 519,5 teńgeden satylyp jatyr, satyp alý baǵamy — 521,5 teńge. Eýro 540 - 543,5 teńge aralyǵynda qubylyp tur.

Al Astana qalasy boıynsha dollardy satý baǵamy — 518 teńge, satyp alý quny — 524 teńge. Eýro 539 teńgeden satylyp, 545 teńgeden satyp alynady.

Dál qazirgi ýaqytta aqsha aıyrbastaý oryndarynda Reseı valıýtasy 5,15 - 5,25 aralyǵynda saýdalanyp jatyr.

Ulttyq banktiń 30 qańtarǵa usynǵan resmı baǵamy — 1 dollarǵa 516,85 teńge. Reseı rýbliniń ortasha saralanǵan quny — 5,26 teńge. Eýro — 537,68.

Aıta keteıik, buǵan deıin AQSh aqshasy úsh qatarynan arzandap, bir dollarynyń ortasha baǵamy – 520,91 teńge boldy. 

Osyǵan deıin Qazaqstan qarjygerler qaýymdastyǵy 2025 jyly dollar 545 teńgege deıin barýy múmkin ekenin aıtty. 

Sondaı-aq Ulttyq bank valıýta aıyrbastaýdyń jańa erejesin bekitetinin málimdedi.