Qor naryǵynda dollar 12 teńgege qymbattady

ALMATY. KAZINFORM — Qazaqstan qor bırjasyndaǵy (KASE) saýda-sattyq qorytyndysy boıynsha, 1 dollardyń teńgege shaqqandaǵy baǵamy ósti.

KASE qor naryǵyndaǵy kúndizgi saýda qorytyndysy boıynsha, dollar baǵamy 12,8 teńgege qymbattady.

Bir AQSh dollarynyń ortasha baǵamy — 518,31 teńge.

Kurs.kz málimetinshe, qazirgi ýaqytta Almatynyń aqsha aıyrbastaý pýnktterinde dollar 524 teńgeden satylyp jatyr, satyp alý baǵamy — 520 teńge. Eýro 566 — 573 teńge aralyǵynda qubylyp tur.

Al, Astana qalasy boıynsha dollardy satý baǵamy — 526 teńge, satyp alý quny — 520 teńge. Eýro 570 teńgeden satyp alynyp, 576 teńgeden satylyp jatyr.

Dál qazirgi ýaqytta aqsha aıyrbastaý oryndarynda Reseı valıýtasy 5,93 - 6,00 aralyǵynda saýdalanyp jatyr.

Ulttyq banktiń 7 sáýirge usynǵan resmı baǵamy — bir dollarǵa 504,34 teńge. Reseı rýbliniń ortasha saralanǵan quny — 5,97 teńge. Eýro — 556,34.

Buǵan deıin aqsha aıyrbastaý oryndarynda AQSh aqshasynyń qymbattaǵany týraly jazǵan edik. 

Osyǵan deıin Ulttyq bank valıýta aıyrbastaýdyń jańa erejesin bekitetinin málimdegen bolatyn. 

Budan bólek, Ulttyq banktiń bazalyq mólsherlemeni kótergeni týraly jazǵan edik. 

Qazaqstandyq ekonomıster teńgeniń nyǵaıýyna múmkindik bar ekenin aıtty.