Qor naryǵy Tramptyń tarıfter týraly málimdemesine reaktsııa bildirdi

ASTANA. KAZINFORM – AQSh prezıdenti Donald Tramp ımport taýarlaryna 10%-dan 49%-ǵa deıingi jańa baj salyǵyn jarııalaǵannan keıin álemdik tehnologııa alpaýyttarynyń aktsııalary quldyrady, dep habarlaıdy NBC News.

Рынок акций отреагировал на объявления Трампа о тарифах
Фото: FactSet

Apple aktsııalary sársenbi kúngi saýda-sattyqta 6%-dan astam tómendedi. 

Apple tabysynyń kóp bóligin negizinen Qytaıda jáne Azııanyń basqa birneshe elinde óndirilgen qurylǵylar qurap otyr. 

Taıvanda jańa chıpter jasap, jasandy ıntellekt júıelerin Meksıkada jáne basqa jerlerde qurastyratyn Nvidia aktsııalary shamamen 4%-ǵa, al elektromobıl óndirýshi Tesla-nyń aktsııalary 4,5%-ǵa tómendedi.

Megakapıtaldandandyrýǵa ıe basqa kompanııalar arasynda Alphabet, Amazon jáne Meta aktsııalary 2,5%-dan 5%-ǵa deıin, al Microsoft aktsııalary 2%-ǵa jýyq tómendedi.

Buǵan deıin prezıdent Donald Tramp AQSh-tyń barlyq saýda seriktesteri úshin 10% tarıfti jáne óziniń «Amerıka birinshi kezekte» atty baǵdarlamasy aıasynda ózge ondaǵan memleketke barlyq salany qamtıtyn joǵary baj salyǵyn engizýdi qarastyratyn paketin usyndy.

Sondaı-aq Donald Tramp syrtqy saýda-ekonomıkalyq tájirıbe ulttyq tótenshe jaǵdaı týdyrǵanyn málimdep, AQSh ekonomıkasy men amerıkalyq jumysshylardy qorǵaý úshin jaýap tarıfterin engizý týraly jarlyq shyǵardy

Сейчас читают