«QOR» munaı kompanııasy Qyzylorda men aýyl arasyna jol saldy

Jalpy uzyndyǵy 3,3 shaqyrym bolatyn joldy jobalaý men qarjylandyrýǵa «Qor» munaı kompanııasy 450 mln. teńgeden astam qarjy bólip otyr.

«Qor» kompanııasy baspasóz qyz­metiniń habarlaýynsha, joba­ǵa sáıkes qurylys jumystaryn «ASD Kompanı» JShS men «Arna» AQ júrgizdi. Jol­dan bólek kompanııa qarjysyna 2 kópir salynyp, Qyzylorda-Qumkól trassasy ishinara jón­deýden ótkizildi.

Qala men aýyldy jalǵas­tyratyn joldyń ashylý salta­natynda «Qor» munaı kompanııa­synyń bas dırektory Marat Nurpeıisov ózderiniń shahar ınfra­qury­lymyn damytýǵa qosqan bul úlesi bıznestiń áleýmettik jaýap­kershiligi baǵ­dar­lamasy aıasynda júzege asqan ıgilik ekendigin atap ótti. Sondaı-aq ol aldaǵy ýaqytta kúre jol­dy tolyq asfalt­tandyrý jos­par­lanyp otyrǵan­dyǵyn jetkizdi. Sońǵy 2 jylda aımaq turǵyn­darynyń jaǵ­daıyn jaqsartýǵa 200 mln. teńgeden astam qarjy jumsaǵan kompanııa álde de áleýmettik máse­lelerdiń sheshilýine úles qosady.

Qala ákiminiń orynbasary Begman Kól­baev áleýmettik saladaǵy áriptes kom­panııa ujy­myna alǵys bildirip, jańa joldyń salynýy qosymsha 6 myń gektar alqapty sharýa­shylyq aı­na­lymǵa engizýge múmkindik beretinin aıtty.

Saltanatta aqsaqaldar el tile­gi­ne enjar qaramaǵan «Qor» kompa­nııa­synyń basshylyǵyna aýyl turǵyn­da­ry atynan rızashylyqtaryn jetkizdi.