Qor bırjasyndaǵy saýda kólemi 50 mlrd teńgege jetti - KASE

ASTANA. QazAqparat – Qazaqstan qor bırjasy naryǵynda qatysýshylar sany artqan. KASE usynǵan sońǵy málimetke sáıkes, qor bırjasyndaǵy saýda kólemi 50 mlrd teńgege jetti, dep habarlaıdy QazAqparat tilshisi.

«Ótken jyly korporatıvtik jáne bank sektory oblıgatsııalardy shyǵara otyryp shamamen 1,5 trln teńge tartty. Sonymen qatar, byltyr «QazMunaıGaz»-da IPO ótip, odan aktsıonerlik kapıtal túrinde 330 mln AQSh dollary tústi. Qazir atalǵan aktsııalar qor bırjasynda belsendi túrde satylyp jatyr. Ótken jyldyń 8 jeltoqsanynan bastap saýda kólemi 50 mlrd teńgege jetti», - dedi Qazaqstan qor bırjasy AQ basqarma tóraǵasy Alına Aldambergen elordada ótken KASE DAY sharasy barysynda.

Odan ári KASE basshysy qor naryǵynda paıda bolǵan trendke toqtalyp ótti.

«Bólshek ınvestorlardyń belsendi damýy trendke aınaldy. Osylaısha, qor naryǵyndaǵy qatysýshylar sany artyp keledi. Aktsııalardyń 50%-y jeke tulǵalarǵa tıesili. Olar sondaı-aq keıbir oblıgatsııalardy belsendi túrde satyp alyp jatyr», - deıdi ol.

Buǵan deıin Qazaqstan qor bırjasy 23 kompanııanyń baǵaly qaǵazymen tolyqqany týraly habarlaǵan edik.

Sondaı-aq, qazaqstandyqtardyń qor bırjasynda 1 mln-ǵa jýyq shoty bary aıtyldy.

KASE basshysy ıAndeks aktsııalarynyń tizimnen alyný sebebin túsindirip ótti.