Qor bırjasynyń resmı tizimine «Boryshtyq baǵaly qaǵazdarǵa arnalǵan býfer» segmenti engilmek
ASTANA. KAZINFORM – Qazaqstan Respýblıkasynyń Qarjy naryǵyn retteý jáne damytý agenttigi Qazaqstan Respýblıkasy Qarjy naryǵyn retteý jáne damytý agenttiginiń Basqarmasy «Qazaqstan Respýblıkasynyń keıbir normatıvtik quqyqtyq aktilerine qarjy naryǵyn retteý máseleleri boıynsha ózgerister men tolyqtyrý engizý týraly» 2025 jylǵy 16 mamyrdaǵy № 14 qaýly qabyldady. Bul týraly agenttiktiń baspasóz qyzmeti málim etti.
— Qaýlymen qor bırjasynyń resmı tizimine «Boryshtyq baǵaly qaǵazdarǵa arnalǵan býfer» segmentin engizý kózdeledi, ol «Negizgi» jáne «Balamalydan» basqa qor bırjasynyń ózge alańdaryndaǵy kompanııalarǵa oblıgatsııalar boıynsha kýpondyq syıaqy tóleý (mindettemelerdi qaıta qurylymdaý) boıynsha defoltqa jol berilgen jaǵdaıda atalǵan segmentke aýysýdy júzege asyrýǵa múmkindik beredi, — delingen agenttik habarlamasynda.
Sonymen qatar, qaýlymen qor bırjasy músheleriniń ýákiletti organnyń suraý salýy boıynsha aqparat usynýy jóninde talap belgilenedi.
Sonymen qatar, qor bırjasynyń árbir qarjy quraly boıynsha jeke market-meıker mártebesin berýden bas tartý nemese odan aıyrý týraly sheshim qabyldaý bóliginde norma kózdeledi. Atalǵan túzetý jekelegen qarjy quraldary bólinisinde market-meıkerlerdi aıqyndaý tásilin saralaýǵa múmkindik beredi.
Sonymen qatar, qaýlymen jyldyq qarjylyq eseptilikti jarııalaý úshin ruqsat etilgen resýrstar tizbesine aktsıonerlik qoǵamnyń jáne qarjy uıymynyń resmı ınternet-resýrstary engiziledi.
Eske sala keteıik, buǵan deıin Qarjy naryǵyn retteý jáne damytý agenttiginiń quzyreti keńeıtilgenin jazǵan edik.